एमपीसी न्यूज – Today’s Horoscope 10 September 2024 – जाणून घ्या आजचे राशिभविष्य
आजचे पंचांग
आजचा दिवस – मंगळवार.
तारीख – 10.09.2024.
शुभाशुभ विचार- उत्तम दिवस.
आज विशेष- गौरी आवाहन.
राहू काळ – दुपारी 03.00 ते 04.00
दिशा शूल – उत्तरेस असेल.
आज नक्षत्र- अनुराधा20.04 पर्यंत नंतर ज्येष्ठा.
चंद्र राशी – वृश्चिक.
—————————-
मेष (शुभ रंग- आकाशी)
आज कोणतीही रिस्क न घेता नाकासमोर चालणेच हिताचे राहील. नोकरदारांनी बिनचूक कामास प्राधान्य देणे गरजेचे आहे. आज कोणत्याही मोहास बळी पडू नका.
वृषभ (शुभ रंग- जांभळा)
आज झालेल्या काही गाठीभेटी भविष्यात व्यावसायिक हिताच्या दृष्टीने फायदेशीर ठरतील. वैवाहिक जीवनात गोडी गुलाबी राहील. आज तुमचे मनोबल उत्तम असेल.
मिथुन (शुभ रंग – राखाडी)
नोकरदारांनी नोकरीच्या ठिकाणी असलेले नियम मोडू नयेत. विरोधक तुमच्या चुका शोधत असतील. आज तुमची तब्येतही जरा नरमच असेल. रुग्णांनी पथ्य पाणी पाळावे.
कर्क ( शुभ रंग- पिस्ता)
नोकरदारांना त्याच त्याच कामाचा कंटाळा येईल. आज तुमचा मौज मजा करण्याचा मूड असेल. सहकुटुंब चैन कराल. प्रेम प्रकरणांना थोरांचे आशीर्वाद मिळतील.
सिंह ( शुभ रंग- सोनेरी)
आज तुम्ही प्रत्यक्ष कृतीपेक्षा चर्चेतच जास्त रमाल. कुठेही न जाता आज घरीच आराम करायचा तुमचा मूड असेल. गृहिणींचे गृह उद्योग आज तेजीत चालणार आहेत.
कन्या (शुभ रंग- पांढरा)
आज घराबाहेर वावरताना डोके थंड व वाणीत गोडवा असू द्या. काही अति हुशार मंडळी संपर्कात येतील. मोफत सल्लागार मंडळींच्या होला हो करा व वादविवाद टाळा.
तूळ (शुभ रंग- चंदेरी)
व्यापार उद्योगात मिळकत मनाजोगती असेल. बंद पडलेले उपक्रम नव्याने सुरू करता येतील. आप्तसोकीय तुमच्या शब्दाला मान देतील. विरोधक आज नमते घेतील.
वृश्चिक ( शुभ रंग- मोरपंखी)
आज तुम्ही जरासे हट्टीपणाने वागाल. तुमच्याकडून काही आपलेच माणसे दुखावली जाण्याची शक्यता आहे. आज फक्त आपल्याच स्वार्थाचा तुम्ही विचार कराल.
धनु (शुभ रंग- भगवा)
कार्यक्षेत्रात काही मनाविरुद्ध घटना घडण्याची शक्यता आहे. काही जणांना तातडीच्या प्रवासाला निघावे लागेल. केवळ भिडस्तपणा मुळे आज न परवडणारा खर्च करू नका.
मकर (शुभ रंग- डाळिंबी)
आज तुमच्यासाठी इच्छापूर्तीचा दिवस असून तुमच्या काही अपुऱ्या स्वप्नांची पूर्तता होण्याची शक्यता आहे. जसे चिंताल तसे होईल, त्यामुळे आज फक्त शुभ चिंता.
कुंभ ( शुभ रंग- निळा)
आज तुम्ही रिकामटेकडी चर्चा टाळून फक्त कर्तव्याला प्राधान्य देणे गरजेचे आहे. अधिकारी वर्गाला वाढत्या जबाबदाऱ्यांचे दडपण येईल. मित्र आज चुकीचे सल्ले देतील.
मीन (शुभ रंग- स्ट्रॉबेरी)
ज्येष्ठ मंडळींना संततीकडून शुभ समाचार येतील. आज तुमचा अध्यात्माकडे कल असेल. घरात देवकार्य करण्याचे बेत आखाल. घरातील मोठ्यांचा मान राखावा लागेल.
शुभम भवतु.
श्री जयंत कुलकर्णी.
ज्योतिष व वास्तुशास्त्र सल्लागार
9689165424