[ad_1]
एमपीसी न्यूज -गतविजेता पेट्रोलियम स्पोर्ट्स प्रमोशन बोर्ड (पीएसपीबी) संघ हॉकी महाराष्ट्र आयोजित (Pune )आणि पिंपरी-चिंचवड महानगरपालिकेच्या सहकार्याने सुरू असलेल्या चौथ्या हॉकी इंडिया वरिष्ठ पुरुष आंतर-विभागीय राष्ट्रीय अजिंक्यपद स्पर्धेत उपांत्यपूर्व फेरीसाठी पात्र ठरणारा पहिला संघ ठरला. उपविजेता रेल्वे स्पोर्ट्स प्रमोशन बोर्ड संघानेही (आरएसपीबी) अंतिम 8 संघांतील स्थान निश्चित केले.
मेजर ध्यानचंद स्टेडियम, नेहरूनगर-पिंपरी येथील स्पर्धेत रविवार पहिल्या सामन्यात पीएसपीबीने सेंट्रल बोर्ड ऑफ डायरेक्ट टॅक्सेसवर (सीबीडीटी) 5-4 असा विजय मिळवला. त्यांचा हा सलग तिसरा विजय आहे. सर्वाधिक 9 गुणांसह त्यांनी अ गटामध्ये अव्वल स्थान कायम राखले.
युसूफ अफानने (2रा – पीसी) पीएसपीबीचे खाते उघडले. त्यानंतर रोझन मिन्झच्या (9वा, 41वा) दोन गोलनी त्यात भर घातली. सुमित कुमार (38 वे) आणि दीपसन टिर्कीने (59 वे – पीसी) प्रत्येकी एक गोल करताना गोलसंख्या पाचवर नेली. सेंट्रल बोर्ड ऑफ डायरेक्ट टॅक्सेससाठी विकास चौधरी (54वे; 60वे – पीसी) आणि प्रणम गौडा (29 वे – पीसी) तसेच मरीेश्वरन शक्तीवेलने (50 वे) गोल केले.
ब गटामध्ये, रेल्वे स्पोर्ट्स प्रमोशन बोर्डाने (आरएसपीबी) स्टील प्लांट स्पोर्ट्स बोर्डावर मात करताना तिसरा विजय मिळवला. आरएसपीबीकडून परदीप सिंग (33वा, 47वा) आणि (गुरसाहिबजीत सिंगने (23वा) गोल केले. या विजयासह आरएसपीबीने 3 सामन्यांतून त्यांची गुणसंख्या 9 वर नेली.
अन्य सामन्यांमध्ये, अ गटामध्ये इंडो तिबेटियन बॉर्डर पोलीस (आयटीपीबी) सेंट्रल हॉकी संघाने सेंट्रल सेक्रेटरिएटविरुद्ध 3-3 अशी बरोबरी साधली. तरनजोत सिंग (16वे – पीसी), विजय कुमार गोंड (18वे – पीसी), अनिलने (57वे – पीसी) आयटीपीबीसाठी गोल केले. केंद्रीय सचिवालयाकडून कवलजीत सिंग (39 वे) आणि एम. हसन बाशाने (52वे, 53वे) गोल करताना बरोबरी साधली.
या बरोबरीसह आयटीपीबीने (2 सामने, 1बरोबरी) गुणांचे खाते उघडले. केंद्रीय सचिवालय संघाचे 4 गुण (3 सामने) झाले. अ गटात ते दुसऱ्या स्थानी आहेत.
अखिल भारतीय पोलीस क्रीडा नियंत्रण मंडळाने या स्पर्धेतील आतापर्यंतच्या सर्वोत्तम निकालाची नोंद केली. ब गटात त्यांनी पोलीस संघाने स्पोर्ट्स अथॉरिटी ऑफ गुजरात – हॉकी अकादमीचा १७-२ असा मोठ्या पराभव केला. या सामन्यात आकाश सिंगने स्पर्धेतील सर्वोत्कृष्ट वैयक्तिक कामगिरीची नोंद केली. त्याने आठ गोल (12वे, 21वे – पीसी., 26वे – पीसी, 35वे, 41वे, 42वे – पीसी, 55वे, 58वे – पीसी) करताना सिंहाचा वाटा उचलला.टोकियो ऑलिंपियन दिलप्रीत सिंगने तीन (17वे – पीएस, 24वे, 46वे) तर हरिस मोहम्मद (21वा – पीसी), धरमवीर सिंग (33वा), पवन दीप सिंग (38वा), सिमरनजीत सिंग (48वा), शुभम (54वा) आणि कमलजीत सिंग (५६वा – पीसी) प्रत्येकी एक गोल करताना त्याला चांगली साथ दिली.स्पोर्ट्स अथॉरिटी ऑफ गुजरात – हॉकी अकादमीकडून अजयकुमार बारियाने (२६वे; ३७वे – पीएस) दोन गोल केले.
या मोठ्या विजयासह पोलीस संघाने त्यांची संख्या 6 गुणांवर (3 सामने) नेली आणि ब गटामध्ये दुसऱ्या स्थानावर धडक मारली. गुजरातच्या क्रीडा प्राधिकरणाचा हा तिसरा पराभव आहे. परिणामी त्यांचे स्पर्धेतील आव्हान संपुष्टात आले आहे.
Pune : मुख्यमंत्री माझी लाडकी बहीण योजनेकरीता केवळ अंगणवाडी सेविकेमार्फत अर्ज स्वीकारण्यात येणार
निकाल
अ गट: पेट्रोलियम स्पोर्ट्स प्रमोशन बोर्ड: 5 (युसूफ अफान 2रा – पीसी; रोसन मिन्झ 9वा, 41वा; सुमितकुमार 38वा; दिपसन तिर्की 59वा – पीसी) विजयी वि. सेंट्रल बोर्ड ऑफ डायरेक्ट टॅक्सेस: 4 (प्रणम गौडा वाय.एम. – 29 – पीसी; एम. सख्तीवेल 50वा; विकास चौधरी 54th; 60th – पीसी). मध्यंतर: 2-1
अ गट: इंडो तिबेटियन बॉर्डर पोलिस (आयटीबीपी) सेंट्रल हॉकी संघ: 3 (तरनजोत सिंग 16वा – पीसी; विजय कुमार गोंड 18वा – पीसी; अनिल 57वा – पीसी) बरोबरी वि. केंद्रीय सचिवालय: 3 (कवलजीत सिंग 39वा; हसन बशान 39वा ,53वा). मध्यंतर: 2-0.
ब गट: रेल्वे स्पोर्ट्स प्रमोशन बोर्ड: 3 (गुरसाहिबजीत सिंग 23वा; परदीप सिंग 33वा, 47वा) विजयी वि. स्टील प्लांट स्पोर्ट्स बोर्ड: 0. मध्यंतर: 1-0
ब गट: अखिल भारतीय पोलीस क्रीडा नियंत्रण मंडळ: 17 (आकाशदीप सिंग 12वा, 21वा – पीसी., 26वा – पीसी, 35वा, 41वा, 42वा – पीसी, 55वा, 58वा – पीसी; दिलप्रीत सिंग 17वा – पीएस, 24वा, 46वा; हॅरिस मोहम्मद 21वे पीसी; धरमवीर सिंग 33वे, पवन दीप सिंग 38वे, सिमरनजीत सिंग 48वे; शुभम 54वे, कमलजीत सिंग 56वे – पीसी) विजयी वि. स्पोर्ट्स ऑथॉरिटी ऑफ गुजरात – 2 (अजयकुमार बारिया 26वे; 37वे). मध्यंतर: 6-1.
[ad_2]