एमपीसी न्यूज -आजचे पंचांग
आजचा दिवस – रविवार.
तारीख – 25.08.2024.
शुभाशुभ विचार- भद्रा वर्ज्य.
आज विशेष- भानु सप्तमी.
राहू काळ – सकाळी 4.30 ते 6.00.
दिशा शूल – पश्चिमेस असेल.
आज नक्षत्र- भरणी 16.45 पर्यंत नंतर कृत्तिका.
चंद्र राशी- मेष 22.30 पर्यंत नंतर वृषभ.
—————————–
मेष- (शुभ रंग- निळा)
आज तुमचे मनोबल उत्तम राहील. प्रत्येक काम तुम्ही सकारात्मक पणे कराल. व्यवसायातील वाढत्या स्पर्धेला यशस्वीपणे तोंड द्याल. आज तुमचे वैवाहिक जीवन सौख्यपूर्ण असेल.
वृषभ (शुभ रंग- राखाडी)
आज काही दूरचे नातलग संपर्कात येतील. तुम्हाला काही अत्यावश्यक देणी चूकवावी लागतील. आज तुम्हाला भडस्तपणाबाई काही खर्च करावा लागणार आहे
मिथुन (शुभ रंग – स्ट्रॉबेरी)
आज व्यावसायिक मंडळींना पैसा कमवण्याचे विविध मार्ग सुचतील. तुमचे राहणीमान उंचावेल. मित्र दिलेला शब्द पाळतील. बरेच दिवसापासून चे स्वप्न पूर्ण होईल.
कर्क ( शुभ रंग- आकाशी)
नोकरीच्या ठिकाणी बिनचूक काम करण्यास प्राधान्य देणे गरजेचे आहे. आज वरिष्ठांच्या काही प्रश्नांना उत्तर द्यावी लागणार आहेत. वडिलांचे सल्ले विचारात घेणे हिताचे.
सिंह ( शुभ रंग- स्ट्रॉबेरी)
उद्योग व्यवसायात काही अनपेक्षित अडचणी येऊ शकतील. हाताखालच्या लोकांकडूनही गोड बोलून कामे करून घ्यावी लागतील. ज्येष्ठांनी उपासना वाढवावी.
कन्या (शुभ रंग- गुलाबी)
फक्त नाकासमोर चालण्यासाठी आजचा दिवस चांगला आहे. कोणत्याही नव्या उपक्रमाची सुरुवात मात्र आज नको. झटपट लाभाचा मोह टाळा. मर्यादेबाहेर आर्थिक धाडस नको.
तूळ (शुभ रंग- जांभळा)
आज समोर येणाऱ्या व्यक्तीवर तुमच्या वक्तृत्वाचा प्रभाव पडेल. वेळेचे योग्य नियोजन केल्यास कार्यक्षेत्रात यशाचा मार्ग सोपा होईल. कौटुंबिक जीवन सौख्यपूर्ण असेल.
वृश्चिक ( शुभ रंग- मोरपंखी)
ध्येयामागे धावत असताना तब्येतीकडे मात्र तुमचे दुर्लक्ष होण्याची शक्यता आहे. आज थोडी विश्रांतीही गरजेची आहे. काही येणी अनपेक्षित पणे वसूल होतील.
धनु (शुभ रंग- पिस्ता)
आज स्वतःच्या व्यक्तिमत्व विकासाकडे लक्ष द्याल. उच्च राहणी व उच्च विचारसरणी असेच तुमचे धोरण असेल. आज प्रकृती उत्तम साथ देईल. संततीकडून सुवर्ता येतील.
मकर (शुभ रंग- गुलाबी)
उत्साह पूर्ण दिवस आहे. वेळीच घेतलेले योग्य निर्णय व वेळेचे योग्य नियोजन यामुळे कार्यक्षेत्रात यशाची कमान चढतीच राहील. घरात कुटुंबीयांमध्ये सुसंवाद असेल.
कुंभ ( शुभ रंग- हिरवा)
आज जवळपासच्या प्रवासात झालेल्या ओळखी भविष्यकाळात कामी येतील. आलेल्या प्रत्येक संधीचा योग्य वापर करा इतरांना सल्ले देण्यात वेळ वाया घालवू नका.
मीन (शुभ रंग- डाळिंबी)
आज तुमची आर्थिक बाजू बळकट असेल. तुम्ही हाती घेतलेले प्रत्येक काम सकारात्मकतेने पार पाडाल. योग्य वेळी योग्य निर्णय घ्याल आज शब्दांचा वापर जपूनच करा.
शुभम भवतु.
श्री जयंत कुलकर्णी.
ज्योतिष व वास्तुशास्त्र सल्लागार
9689165424